'అక్రమ కట్టడాలకు అడ్డుకట్ట వేయాలి'

అక్రమ కట్టడాలను అడ్డుకట్టవేసి రూ.కోట్ల విలువైన ప్రభుత్వ భూములను కాపాడాలని కుత్బుల్లాపూర్​ మాజీ ఎమ్మెల్యే కూన శ్రీశైలం గౌడ్​ డిమాండ్​ చేశారు. మేడ్చల్​ జిల్లా మల్లంపేటలో అక్రమంగా నిర్మిస్తున్న కట్టడాలను పరిశీలించి బాధ్యులపై చర్యలు తీసుకోవాలన్నారు.

మేడ్చల్​ జిల్లా దుండిగల్​ మున్సిపాలిటీ పరిధిలోని మల్లంపేటలో అక్రమ నిర్మాణాలకు పాల్పడుతున్న లక్ష్మీ శ్రీనివాస కనస్ట్రక్షన్​ సంస్థపై చర్యలు తీసుకోవాలని మాజీ ఎమ్మెల్యే శ్రీశైలం గౌడ్​ అన్నారు. కోట్ల రూపాయలు విలువైన ప్రభుత్వ భూమిలో అక్రమంగా కట్టడాలు కడుతున్నారని ఆరోపించారు.

సర్వేనంబర్ 170లోని 104.32 ఎకరాల విస్తీర్ణం ఉండగా... గతంలో ఐదెకరాల భూమిని ప్రభుత్వం మాజీ సైనికుడికి కేటాయించగా... అతని నుంచి ఆ భూమిని కొనుగోలు చేసిన లక్ష్మీ శ్రీనివాస కన్​స్ట్రక్షన్​ కంపెనీ అక్రమాలకు పాల్పడుతోందని ఆరోపించారు.

సుమారు 45 ఎకరాలకు పైగా లావాని పట్టాలో 200 విల్లాలను అక్రమంగా నిర్మించారన్నారు. ఈ ఆక్రమణపై హైకోర్టులో తాను వేసిన పిటిషన్​ను ప్రజా ప్రయోజన వ్యాజ్యంగా స్వీకరించడం శుభపరిణామన్నారు. ఇప్పటికైనా అధికారులు స్పందించి అక్రమ కట్టడాలకు అడ్డుకట్ట వేయాలని కోరారు.

ఇదీ చూడండి:రేపే సహకార ఎన్నికలు... సర్వం సిద్ధం