'క్యాన్సర్ నిర్మూలనకు ప్రతి ఒక్కరూ కృషి చేయాలి'

ప్రతి మనిషి తమ జీవన విధానంలో మంచి ఆహారపు అలవాట్లతో పాటు వ్యాయామాన్ని అలవాటు చేసుకోవాలని సైబరాబాద్ సీపీ సజ్జనార్ సూచించారు. మేడ్చల్ జిల్లా నిజాంపేట్​లోని ఓ ఆస్పత్రి నిర్వహించిన ఉచిత క్యాన్సర్ స్క్రీనింగ్ అవగాహన కార్యక్రమానికి ఆయన ముఖ్య అతిథిగా హాజరయ్యారు.

దేశంలో క్యాన్సర్ కేసులు గణనీయంగా పెరుగుతున్న నేపథ్యంలో.. వ్యాధిని నిర్మూలించేందుకు ప్రతి ఒక్కరూ కృషి చేయాలని సైబరాబాద్ సీపీ సజ్జనార్​ పేర్కొన్నారు. సొసైటీ ఫర్ సైబర్ సెక్యూరిటీ కౌన్సిల్ సహకారంతో మేడ్చల్ జిల్లా నిజాంపేట్​లోని ఎస్ఎల్​జీ ఆస్పత్రి నిర్వహించిన ఉచిత క్యాన్సర్ స్క్రీనింగ్ అవగాహన కార్యక్రమాన్ని ఆయన ప్రారంభించారు.

సమాజంలో క్యాన్సర్​పై అవగాహన కల్పించేందుకు ఆస్పత్రి చేస్తున్న కృషిని సజ్జనార్ అభినందించారు.‌ ఈ సందర్భంగా ఏర్పాటు చేసిన ఎగ్జిబిషన్​ను ఆయన తిలకించారు‌.

ఇదీ చదవండి:సీఎం కేసీఆర్‌కు ఎంపీ రేవంత్ రెడ్డి బహిరంగ లేఖ