రసాయన డ్రమ్​ పేలి ఇద్దరికి గాయాలు.. ఒకరి పరిస్థితి విషమం

మేడ్చల్​-మల్కాజిగిరి జిల్లాలో రసాయన డ్రమ్​ పేలి ఇద్దరికి తీవ్ర గాయాలయ్యాయి. క్షతగాత్రులను ఆసుపత్రికి తరలించారు.

మేడ్చల్​-మల్కాజిగిరి జిల్లా జగద్గిరిగుట్ట పోలీస్​ స్టేషన్ పరిధిలోని దేవేందర్​నగర్​లో ఘోర పేలుడు సంభవించింది. రసాయన డ్రమ్​ పేలి ఖయ్యూమ్​ (40), ముని బేగం అనే ఇద్దరికి తీవ్ర గాయాలయ్యాయి. ఇందులో ఖయ్యూమ్​ పరిస్థితి విషమంగా ఉంది. స్థానికులు క్షతగాత్రులను ఆసుపత్రికి తరలించారు.

ఘటనా స్థలికి చేరుకున్న పోలీసులు కేసు నమోదు చేసి దర్యాప్తు చేపట్టారు. ఖయ్యూమ్​కు భార్య, ముగ్గురు పిల్లలు ఉన్నట్లు తెలిపారు.

ఇవీ చూడండి: వేతనం మినహాయించుకునే అధికారం ఆర్టీసీకి ఉంది: అదనపు ఏజీ