ఆదాయం బారెడు.. అభివృద్ధి మూరెడు

ప్రసిద్ధ పుణ్యక్షేత్రమైన ఏడుపాయలకు ప్రతి ఏడు దాదాపు ఐదు కోట్ల ఆదాయం వస్తున్నా అభివృద్ధిలో మాత్రం శూన్యం కనిపిస్తోందని భక్తులు ఆవేదన వ్యక్తం చేస్తున్నారు. సీఎం కేసీఆర్​ ఆలయాన్ని సందర్శించి ప్రత్యేక నిధులతోపాటు మరింత అభివృద్ధి చేయాలని కోరారు.

మెదక్ జిల్లా పాపన్నపేట మండలంలో ప్రసిద్ధ పుణ్యక్షేత్రమైన ఏడుపాయల మహాశివరాత్రి జాతరకు రాష్ట్రప్రభుత్వం ఆరేళ్లుగా నిధులిస్తోంది. ఈసారి కూడా 75 లక్షలు మంజూరు చేసింది. అయితే ఈ నిధులతో ఆలయానికి ఎంతో అభివృద్ధి చేయాల్సి ఉన్నా.. కనీస మౌలిక సవసతులు కూడా ఏర్పాటు చేయట్లేదని స్థానికులు ఆరోపిస్తున్నారు.

సీసీ రోడ్లు, శౌచాలయాలు లేవని.. అలాగే ఐదేళ్లుగా కడుతున్న యాగశాల పూర్తి కాలేదన్నారు. కల్యాణ కట్ట ఇంకా బేస్మెంట్​ దశలోనే ఉందని తెలిపారు. ఏడుపాయలను ముఖ్యమంత్రి కేసీఆర్​ సందర్శించి ప్రత్యేక నిధులు కేటాయించి.. మరింత అభివృద్ధి చేయాలని భక్తులు కోరుతున్నారు.

ఇవీ చూడండి: విద్యార్థుల జీవితాలతో చెలగాటమా..!