' జిల్లాలో కరోనా కట్టడికి సమగ్ర చర్యలు'

కరోనా రెండో దశ ఉద్ధృతి పట్ల జిల్లా ప్రజలంతా అప్రమత్తంగా ఉండాలని మెదక్ కలెక్టర్ హరీశ్ కోరారు. మహమ్మారి వ్యాప్తిని నిరోధించడానికి పటిష్ఠమైన చర్యలు తీసుకుంటున్నట్లు ఆయన వెల్లడించారు.

మెదక్​ జిల్లాలో శరవేగంగా వ్యాపిస్తోన్న కరోనా కట్టడ్డికి సమగ్ర చర్యలు తీసుకుంటున్నామని కలెక్టర్​ హరీశ్​ పేర్కొన్నారు. బాధితులను గుర్తించేందుకు చేపట్టిన ఇంటింటి సర్వే విజయవంతంగా కొనసాగుతోందని వివరించారు. బాధితులకు మెడికల్​ కిట్లు అందజేయడానికి, వైద్య సేవల పర్యవేక్షణకు ప్రతి డివిజన్​కు ఒక నోడల్ అధికారిని నియమిస్తున్నట్లు తెలిపారు. వీరి ద్వారా జిల్లా యంత్రాంగానికి, వైద్యారోగ్య శాఖాధికారికి నివేదిక అందుతుందని వివరించారు.

బాధితులను గుర్తించేందుకు నియమించిన ప్రత్యేక బృందాలు.. రోగుల వివరాలన్నింటిని ఓ పట్టికగా రూపొందించి మండల ప్రత్యేకాధికారి, డివిజనల్ నోడల్ అధికారి సంతకాలతో ఉన్నతాధికారులకు పంపుతారని కలెక్టర్​ తెలిపారు. పాజిటివ్​గా తేలిన వారిని చికిత్స కోసం ఆసుపత్రులకు తరలించేందుకు అన్ని ఏర్పాటు చేస్తున్నట్లు వెల్లడించారు. ఇంటింటికీ వెళ్లి బాధితులకు మెడికల్​ కిట్లు అందించడానికి అధికారులు కృషి చేయాలని కోరారు. లక్షణాలు కలిగి తీవ్ర అనారోగ్యంతో బాధ పడుతోన్నవారిని ఆసుపత్రులకు తరలించడానికి మానవతా దృక్పథంతో వ్యవహరించాలని సిబ్బందికి విజ్ఞప్తి చేశారు.