కాళేశ్వరం ప్రాజెక్టు ప్రారంభోత్సవాన్ని పురస్కరించుకుని మెదక్ జిల్లా కేంద్రంలో తెరాస నాయకులు సంబురాలు చేసుకున్నారు. పార్టీ కార్యాలయం నుంచి రాందాస్ చౌరస్తా వరకు ర్యాలీ నిర్వహించారు. కాళేశ్వరం ప్రాజెక్టు ద్వారా దాదాపుగా 45 లక్షల ఎకరాలకు నీరు అందుతుందని మెదక్ ఎమ్మెల్యే పద్మాదేవేందర్ రెడ్డి అన్నారు. మూడు సంవత్సరాల్లోనే కన్నేపల్లి, మేడిగడ్డ వద్ద బ్యారేజిలు పూర్తి చేసిన ఘనత కేసీఆర్కే దక్కుతుందని తెలిపారు. ఈ కార్యక్రమంలో మున్సిపల్ ఛైర్మన్ మల్లికార్జున్ గౌడ్, వైస్ ఛైర్మన్ రాగి అశోక్ ఇతర నాయకులు పాల్గొన్నారు.
'మూడు సంవత్సరాల్లోనే పూర్తి'