రైతులు విష దాతలుగా మారొద్దు..

సేంద్రియ వ్యవసాయంపై రైతన్నలకు అవగాహన కల్పించేందుక మంచిర్యాల జిల్లాలో అవగాహన సదస్సు ఏర్పాటు చేశారు. అన్నదాతలు విషదాతలు మారొద్దని కలెక్టర్ హోళీకేరి సూచించారు.

మంచిర్యాల జిల్లా బెల్లంపల్లి పట్టణంలోని టీసీఓఏ క్లబ్​లో ఆరు మండలాల రైతులకు సేంద్రియ వ్యవసాయంపై అవగాహన కల్పించారు. ఈ సదస్సులో బెల్లంపల్లి, కాసింపేట, తాండూరు, మందమర్రి, నెన్నెల, భీమిని మండలాల రైతులు పాల్గొన్నారు. రైతులు పురుగు మందుల వాడకం తగ్గించాలని జిల్లా కలెక్టర్ హోళీకేరి అన్నారు. సేంద్రియ వ్యవసాయం చేస్తే ప్రభుత్వం సహాయ సహకారాలు అందిస్తుందన్నారు. రైతులు విష దాతలుగా మారొద్దన్నారు. ఈ ఖరీఫ్ నుంచే సేంద్రియ వ్యవసాయం ప్రారంభించాలని సూచించారు. ఈ కార్యక్రమంలో జిల్లా వ్యవసాయాధికారి వినోదకుమార్, జిల్లా ఉద్యానశాఖ అధికారి రాజ్ కుమార్, ఏడీఏ సురేఖలు పాల్గొన్నారు.