మంచిర్యాల జిల్లా హాజీపూర్ మండలంలో సామాల రవీందర్ అనే ఆర్టీసీ కార్మికుడిపై మంచిర్యాల పోలీసులు కేసు నమోదు చేశారు. తమ ప్రైవేట్ బస్సు అద్దాలు పగులగొట్టి , తమను బూతులు తిట్టాడని డ్రైవర్ మహేష్ ఫిర్యాదు మేరకు హాజీపూర్ పోలీసులు కేసు నమోదు చేశారు. ఆర్టీసీ కార్మికుడిని అదుపులోకి తీసుకున్నామని మంచిర్యాల ఏసీపీ గౌస్బాబా తెలిపారు. తమ సమస్యలపై రాష్ట్ర రవాణా కార్మికులు చేస్తున్న సమ్మెను శాంతియుతంగా నిర్వహించుకోవాలని ఏసీపీ సూచించారు. సమ్మె పేరుతో ధ్వంసం చేస్తే చట్టరీత్యా చర్యలు తీసుకోవాల్సి ఉంటుందన్నారు.
ప్రైవేట్ బస్సుపై దాడి చేసిన ఆర్టీసీ కార్మికుడిపై కేసు