మద్యంమత్తులో వివాహిత గొంతు కోసిన ఉన్మాది.. ఆ తర్వాత!?

ప్రభుత్వం ఎన్ని చట్టాలు చేసినా... ఎన్ని శిక్షలు వేసినా.. ఉన్మాదం ఆగడం లేదు. ఓ ప్రేమోన్మాది మద్యం మత్తులో వివాహిత గొంతుకోశాడు. ఆపై తానూ ఆత్మహత్యాయత్నం చేశాడు. మంచిర్యాల జిల్లా రామకృష్ణాపూర్​లో ఈ దారుణం చోటుచేసుకుంది.

మంచిర్యాల జిల్లా మందమర్రి మండలం రామకృష్ణాపూర్‌లో దారుణం జరిగింది. కమలాకర్​ అనే ప్రేమోన్మాది మద్యం మత్తులో వివాహిత గొంతు కోశాడు. ఆపై తానూ ఆత్మహత్యాయత్నానికి పాల్పడ్డాడు. తీవ్ర గాయాలైన బాధితురాలిని, నిందితుడిని మంచిర్యాల ప్రభుత్వాస్పత్రికి తరలించారు. గతంలో బాధితురాలు, కమలాకర్​ ప్రేమించుకున్నారు. ఆమె తల్లిదండ్రులు మరో వ్యక్తితో వివాహం చేశారు. రెండు రోజుల కింద తన సోదరి ఇంటి నుంచి తనను బలవంతంగా తీసుకెళ్లాడని బాధితురాలు తెలిపింది. రామకృష్ణపూర్​లోని రామాలయం సమీపంలో మద్యం బాటిల్​తో తన గొంతు కోశాడని విలపించింది. అదే సీసాతో కమలాకర్ గొంతు కోసుకున్నట్లు బాధితురాలు తెలిపింది. నిందితుడి స్వస్థలం మందమర్రి మండలం పులిమడుగు.

ఇదీ చదవండిః ఆ నాలుగు అంశాలపైనే చర్చించాం : భట్టి విక్రమార్క