దేవరకద్రలో వైభవంగా రథోత్సవం

దేవరకద్ర పట్టణంలోని శ్రీ ప్రసన్నాంజనేయ స్వామి బ్రహ్మోత్సవాలు వైభవంగా సాగాయి. ఉత్సవాల్లో ప్రధాన ఘట్టమైన రథోత్సవాన్ని హమాలీ సంఘం సభ్యులు భక్తిశ్రద్ధలతో నిర్వహించారు.

మహబూబ్​నగర్ జిల్లా దేవరకద్ర పట్టణంలోని శ్రీ ప్రసన్నాంజనేయ స్వామి బ్రహ్మోత్సవాలను భక్తిశ్రద్ధలతో నిర్వహించారు. మూడు రోజుల స్వామివారికి ప్రత్యేక పూజలు నిర్వహించారు. ఉత్సవాల్లో ప్రధాన ఘట్టమైన రథోత్సవంలో భక్తులు అధిక సంఖ్యలో పాల్గొన్నారు. వాయు పుత్రుడైన హనుమాన్ వాడ వాడలో భక్తజనులకు దర్శనమిస్తూ ముందుకు సాగారు. మహిళలు మంగళహారతులతో స్వామి వారికి స్వాగతం పలికారు.