దత్తక్షేత్రానికి మాజీ సీఎం...

మహారాష్ట్ర మాజీ సీఎం అశోక్​ చవాన్​ మహబూబ్​నగర్​ జిల్లా మక్తల్​ మండలం వల్లభూపురం శ్రీపాదవల్లభ స్వామిని దర్శించుకున్నారు.

మహబూబ్​నగర్​ జిల్లా వల్లభాపురం శ్రీపాదవల్లభ స్వామిని మహారాష్ట్ర మాజీ ముఖ్యమంత్రి అశోక్​ చవాన్​ సతీసమేతంగా దర్శించుకున్నారు. ఉదయం 7 గంటలకు ఆలయానికి చేరుకుని ప్రత్యేక పూజలు చేశారు. శ్రీపాదఛాయ ఆశ్రమానికి చేరుకుని శ్రీపతిస్వామి ఆశీస్సులు తీసుకున్నారు.

ఆశ్రమంలో అల్పాహారం ముగించుకుని మహారాష్ట్రకు తిరుగు పయనమయ్యారు. కుర్మిగడ్డకు వంతెన విషయాన్ని తెలంగాణ, కర్నాటక రాష్ట్రాల సీఎంలతో చర్చిస్తానని చవాన్ తెలిపారు. ​ మాజీ సీఎం రాకతో పోలీసులు భారీ బందోబస్తు ఏర్పాటు చేశారు. ఆయన వెంట ఎమ్మెల్యే అమిత చవాన్, మాజీ మంత్రి డీపీ సావంత్, ఎమ్మెల్సీ అమర్ నాథ్ ఉన్నారు.