అగ్రిగోల్డ్ సంస్థ భూములు వేలం
ఉన్నత న్యాయస్థానం ఆదేశాలు
మహబూబ్నగర్ జిల్లాలో అగ్రిగోల్డ్కు సంబంధించిన 156.15 ఎకరాల భూములను పది కోట్ల రూపాయలకు వేలం వేయాలని ఉన్నత న్యాయస్థానం ఆదేశించింది. అందుకనుగుణంగా అధికారులు ఈనెల 1న టెండర్లు ఆహ్వానించారు. బాదేపల్లికి చెందిన ప్రశాంత్రెడ్డి రూ.14.22 కోట్లకు వేలం పాడి.. నిబంధనల ప్రకారం డబ్బు చెల్లించలేకపోయారు. ఫలితంగా జిల్లాస్థాయి కమిటీ టెండర్ను రద్దు చేసింది. ఈనెల 7న మరోసారి నోటిఫికేషన్ విడుదల చేసి శనివారం వేలం నిర్వహించారు. రూ.15.18 కోట్లకు భూములను దక్కించుకున్న నరేందర్రెడ్డి ఇప్పటికే ధరావతు కింద రూ.14.25 లక్షలు చెల్లించారు. ధర మొత్తంలో 33 శాతం సోమవారం చెల్లించాల్సి ఉంది. ఒకవేళ టెండరుదారుడు చెల్లించకపోతే మరోసారి ప్రక్రియ జరిపే అవకాశం ఉంది.