మహబూబాబాద్ జిల్లా పర్వతగిరిలోని ప్రభుత్వ పాఠశాలలో సుమారు 200 మంది విద్యార్థులు విద్యనభ్యసిస్తున్నారు. పాఠశాలలో శౌచాలయాలు లేనందున విశ్రాంత సమయంలో టాయిలెట్కు వెళ్లాలంటే విద్యార్థులు రోడ్డు దాటి ఆరుబయటకు వెళ్లేవారు.
రోడ్డు దాటే అప్పుడు పలుమార్లు విద్యార్థులు ప్రమాదాలకు గురయ్యారు. ఈ ప్రమాదాలు నివారించేందుకు తక్కువ ఖర్చుతో కూడిన టాయిలెట్లు నిర్మించే యోచన చేశారు పాఠశాల ఉపాధ్యాయులు.
వాడి పడేసిన వంటనూనె క్యాన్లతో టాయిలెట్స్ నిర్మించారు. సాధారణంగా బేషన్లతో నిర్మిస్తే రూ.5500 ఖర్చు అయ్యేది.. ఈ వంటనూనె క్యాన్లతో కేవలం రూ.350లతోనే టాయిలెట్స్ నిర్మించారు. వీరి ఈ చిన్న ప్రయత్నం అందరికీ ఆశ్చర్యం కలిగించడమే కాదు ఆదర్శంగానూ నిలుస్తోంది.