గ్యాస్ సిలిండర్ బాంబు

రాష్ట్రంలో పలుచోట్ల వంట గ్యాస్​ సిలిండర్లు పేలి ప్రజలను భయపెడుతున్నాయి. నాలుగు నెలల్లో మూడు చోట్ల సిలిండర్​లు పేలాయి. తాజాగా మహబూబాబాద్ జిల్లాలో గ్యాస్ ప్రమాదం సంభవించింది.

మహబూబాబాద్ జిల్లా నరసింహుల పేట గ్యామా గ్రామంలో గ్యాస్ సిలిండర్ పేలి పూరిగుడిసె దగ్ధమైంది. భూక్య నారయ్య ఇంట్లో శనివారం అర్ధరాత్రి ఈ ప్రమాదం జరిగింది. గుడిసెలోని వంట సామగ్రి, ధాన్యం బస్తాలు, దుస్తులు కాలి బూడిదయ్యాయి. ప్రమాదంలో లక్ష రూపాయల మేర ఆస్తినష్టపోయినట్లు బాధిత కుంటుబ సభ్యులు తెలిపారు. ఎలాంటి ప్రాణనష్టం జరగకపోవడంతో అంతా ఊపిరి పీల్చుకున్నారు.