మోదీ అధికారంలోకి రావాలని సైకిల్​ యాత్ర

దేశంలో భాజపా మళ్లీ ఆధికారంలోకి రావాలని ఓ వ్యక్తి సైకిల్​ యాత్ర చేపట్టాడు. 17 జిల్లాల్లో 1,600 కిలోమీటర్లు ప్రయాణించి మోదీని మళ్లీ ప్రధానిని చేయాలని ప్రచారం చేశాడు. ఏప్రిల్​ 5న యాత్రను ముగిస్తానని తెలిపాడు.

మోదీ ప్రభుత్వం మరోసారి అధికారంలోకి రావాలని ఆకాంక్షిస్తూ జగిత్యాల జిల్లా బుగ్గారం మండలం మద్దునూరు గ్రామానికి చెందిన రాయిండ్ల రవికుమార్ అనే వ్యక్తి సైకిల్ యాత్ర చేపట్టారు. ఈ యాత్ర మహబూబాబాద్ జిల్లా మరిపెడ మీదుగా దంతాలపల్లికి చేరుకుంది. ఈయనకు స్థానిక భాజపా నేతలు స్వాగతం పలికారు. రాష్ట్రంలోని వివిధ జిల్లాల మీదుగా పర్యటించి ఇక్కడికి చేరుకున్నాడు. ప్రతిరోజు సైకిల్​పై కొంతమేర ప్రయాణిస్తూ సేద చేరుతున్నట్లు తెలిపారు. 17 జిల్లాల్లో ఈ యాత్రను పూర్తి చేసి సుమారు 1,600 కిలోమీటర్ల ప్రయాణించినట్లు చెప్పారు. భాజపా తోనే అన్ని వర్గాల ప్రజలకు న్యాయం జరుగుతుందన్నారు. ఏప్రిల్ 5వ తేదీ వరకు యాత్రను ముగించనున్నట్లు ఆయన తెలిపారు.

ఇవీ చూడండి: ఎం-3 ఈవీఎంల కోసం దేశమంతటా అన్వేషణ