పాకాల వాగు ప్రవాహానికి కొట్టుకుపోయిన ఆటో

వాగు ఉద్ధృత ప్రవాహానికి చెక్​డ్యామ్​ పైనుంచి ఆటో... వాగులో కొట్టుకుపోయిన ఘటన మహబూబాబాద్​ జిల్లా గార్ల గ్రామంలో చోటుచేసుకుంది.

మహబూబాబాద్​ జిల్లా గార్ల గ్రామ శివారులో పాకాల వాగుపైనున్న చెక్​డ్యామ్​ నుంచి రాంపురం, మద్దివంచ గ్రామాలకు రాకపోకలు సాగుతున్నాయి. బయ్యారం చెరువు అలుగు పోస్తున్నందున వాగు ఉద్ధృతంగా ప్రవహిస్తోంది. వరద ప్రవాహానికి డ్యామ్​ పైనుంచి ఆటో వాగులోకి కొట్టుకుపోయింది. ఆటో డ్రైవర్​ ప్రాణాలతో బయటపడగా.. వాహనాన్ని తాడు సహాయంతో బయటకు తీశారు. ఘటనాస్థలానికి చేరుకున్న పోలీసులు చెక్​డ్యామ్​పై రాకపోకలు నిలిపివేశారు.

ఇదీ చదవండిః విషాదం నింపుతున్న ఆదివారం... ఇదే రోజున జల ప్రమాదాలు