'మహిళా అధికారిణిపై దాడిచేసిన వారిని శిక్షించాలి'

కుమురం భీం జిల్లాలో ఈ ఉదయం అటవీ శాఖ అధికారిణి అనితపై స్థానికుల దాడిని ఐఎఫ్ఎస్ అధికారులు తీవ్రంగా ఖండించారు. బాధ్యులను కఠినంగా శిక్షించాలని డిమాండ్​ చేశారు.

విధి నిర్వహణలో ఉన్న మహిళా అధికారిణిపై స్థానికుల దాడిని ఐఎఫ్​ఎస్​ అధికారులు తీవ్రంగా ఖండించారు. ఈ ఉదయం కుమరం భీం ఆసిఫాబాద్​ జిల్లాలో అటవీ అధికారిణి అనితపై దాడి జరిగిన విషయం విధితమే. అధికారిణిపై దాడిచేసి గాయపరచడం సరికాదని అధికారుల సంఘం పేర్కొంది. ఈ మేరకు ఓ ప్రకటన విడుదల చేసింది. దీనిని తీవ్రమైన చర్యగా పరిగణించిన ఐఎఫ్​ఎస్​ అధికారుల సంఘం ఈ ఘటనకు బాధ్యులైన వారిపై కఠిన చర్యలు తీసుకోవాలని ప్రభుత్వాన్ని కోరింది.

ఇదీ చూండండి: అటవీశాఖ సిబ్బందిపై తెరాసనేతల దాడి