రోడ్డు ప్రమాదంలో దంపతులు మృతి

భార్యాభర్తలు జంటగా ద్విచక్రవాహనంపై వెళ్తున్నారు. నడిరోడ్డుపై దూసుకొచ్చిన మృత్యువును తప్పించుకోలేక పోయారు. మరణంలోనూ వీడని బంధమంటూ రోడ్డు ప్రమాదంలో దుర్మరణం చెందారు. ఖమ్మంజిల్లా మధిరలో జరిగిన రోడ్డ ప్రమాదంలో దంపతులు మృతి చెందారు.

ఖమ్మం జిల్లాలోని మధిర- విజయవాడ ప్రధాన రహదారిపై మధిర వద్ద రోడ్డు ప్రమాదం జరిగింది. ద్విచక్ర వాహనంపై వెళ్తున్న భార్యాభర్తలను టాటా ఏసీ వాహనం ఢీకొట్టింది. తీవ్రగాయాలైన వారిద్దరూ ఘటనా ప్రదేశంలోనే మృతి చెందారు. మధిరకు చెందిన రామయ్య తన భార్య వెంకట రాములమ్మను తీసుకొని ద్విచక్రవాహనంపై మధిర నుంచి ఇంటికి వెళ్తున్నాడు. ఎదురుగా వచ్చిన డీసీఎం వీరి వాహనాన్ని బలంగా ఢీకొట్టింది. వారిద్దరూ పక్కనే ఉన్న గోతిలో పడిపోయి అక్కడికక్కడే మృతిచెందారు. మృతురాలు రాములమ్మ మండలంలో ఉపాధిహామీ పథకంలో క్షేత్రసహాయకురాలిగా పనిచేస్తోంది. భార్యా భర్త మృతితో గ్రామంలో విషాదఛాయలు అలుముకున్నాయి. ప్రమాదంతో కొంతసేపు ట్రాఫిక్​ నిలిచిపోయింది.

ఇదీ చదవండి: ప్రేమ వేధింపులకు విద్యార్థిని ఆత్మహత్య