Eenadu Good health show: ఈనాడు సంస్థ ఆధ్వర్యంలో ఖమ్మం పట్టణంలో టీఎన్జీవో ఫంక్షన్ హాల్లో ఈనాడు గుడ్ హెల్త్ షోను ఈరోజు జిల్లా అదనపు కలెక్టర్ మధుసూదన్ ప్రారంభించారు. పట్టణానికి చెందిన పలు ఆసుపత్రి యాజమాన్యాలు ఈ కార్యక్రమంలో భాగంగా వారి స్టాల్లను ఏర్పాటు చేసి ఉచితంగా ప్రజలకు వైద్య సేవలు అందిస్తున్నారు. ఈ కార్యక్రమానికి భారీగా స్పందన లభిస్తోంది.
నగర ప్రజలతో పాటు దూరపు ప్రాంత ప్రజలు భారీగా హాజరై రక్త పరీక్షలు, వివిధ రకాలు వైద్య పరీక్షలు చేయించుకుంటున్నారు. ఈ సందర్భంగా ఈనాడు యాజమాన్యం ఇలాంటి మంచి కార్యక్రమాలు చేయడం అభినందనీయమని జిల్లా అదనపు కలెక్టర్ మధుసూదన్ హర్షం వ్యక్తం చేశారు.