ఖమ్మం జిల్లాలో బావిలోకి దూసుకెళ్లిన కారు
అయ్యగారికి అదృష్టం మామూలుగా లేదుగా.. కారుతో సహా బావిలో పడినా..!
ఖమ్మం జిల్లా తల్లాడ మండలం వెంగన్నపేటలో ప్రమాదం చోటుచేసుకుంది. పగడాల కృష్ణయ్య అనే వ్యక్తి కారు అదుపు తప్పి రహదారి పక్కన ఉన్న బావిలో పడిపోయింది. ఈ ఘటనలో అనుకోని విధంగా యజమాని క్షేమంగా బయటపడ్డాడు. బావి మొదట్లో వెడల్పుగా ఉన్నా.. లోతుకు వెళ్లేకొద్దీ వెడల్పు తగ్గడంతో కారు ముందు భాగం ఇరుక్కుని వాహనం ఆగిపోయింది. దాంతో కారు వెనక అద్దాలు పగులగొట్టుకుని కృష్ణయ్య బయటకొచ్చాడు. అడ్డుగా వచ్చిన గేదెలను తప్పించబోవడంతో ప్రమాదం జరిగినట్లు కృష్ణయ్య తెలిపారు.
బావిలోకి దూసుకెళ్లిన కారు