నిమజ్జనం కోసం పటిష్ట బందోబస్తు

కరీంనగర్ జిల్లా మానుకొండూరులో వినాయక నిమజ్జన ఏర్పాట్లను సీపీ కమలాసన్ రెడ్డి, డీసీపీ శ్రీనివాస్ ఇతర అధికారులు పరిశీలించారు.

కరీంనగర్ జిల్లా మానకొండూరు మండల కేంద్రంలోని పెద్ద చెరువుకు ఎల్ఎండీ నుంచి ఎస్సారెస్పీ కెనాల్ ద్వారా నీరు విడుదల చేశారు. పెద్ద చెరువును సీపీ కమలాసన్ రెడ్డి, డీసీపీ శ్రీనివాస్, ఏసీపీ అశోక్ పరిశీలించారు. ఈనెల 11న జరగబోయే వినాయక నిమజ్జనం కోసం పటిష్ట బందోబస్తు ఏర్పాట్లు చేస్తున్నారు. దాదాపు 700 పైచిలుకు వినాయక విగ్రహాల నిమజ్జనం కానున్నాయని పోలీసులు తెలిపారు. నిమజ్జనం కోసం మూడు భారీ క్రేన్లను ఏర్పాటు చేస్తున్నామని స్పష్టం చేశారు. అలుగునూర్ నుంచి మానకొండూర్ వరకు ట్రాఫిక్ నిబంధనలు పాటించాలని సూచించారు. ఎలాంటి అవాంఛనీయ ఘటనలు చోటు చేసుకోకుండా చర్యలు చేపట్టనున్నట్లు తెలిపారు.

ఇదీ చూడండి :యాదాద్రి శిలలపై కేసీఆర్ శిల్పాన్ని చెక్కినారే..!