రాష్ట్ర స్థాయి సైక్లింగ్​ పోటీలు

రాష్ట్ర స్థాయి సైక్లింగ్​ పోటీలను కరీంనగర్​లో నిర్వహించారు. వీటిలో ప్రతిభ కనబరిచిన సైక్లిస్టులను జాతీయ స్థాయి పోటీలకు ఎంపిక చేయనున్నట్టు సైక్లింగ్​ అసోసియేషన్​ రాష్ట్ర అధ్యక్షుడు నరేందర్​రెడ్డి తెలిపారు.

సైక్లింగ్ అసోసియేషన్ ఆధ్వర్యంలో కరీంనగర్​లో అట్టహాసంగా రాష్ట్రస్థాయి సైక్లింగ్ పోటీలు ప్రారంభమయ్యాయి. ఈ పోటీలను జిల్లా కలెక్టర్ శశాంక, పోలీస్ కమిషనర్ కమలాసన్ రెడ్డి జెండా ఊపి ప్రారంభించారు.

రాష్ట్రం నలుమూలల నుంచి దాదాపుగా 150 మంది సైక్లిస్టులు ఈ పోటీలకు తరలివచ్చారు. వీటిలో ప్రావీణ్యం కనబరిచిన సైక్లిస్టులను ఈనెల 20వ తేదీన ఉత్తరాఖండ్ రాష్ట్రంలో జరిగే జాతీయ స్థాయి పోటీలకు పంపనున్నట్టు సైక్లింగ్ అసోసియేషన్ రాష్ట్ర అధ్యక్షులు నరేందర్ రెడ్డి తెలిపారు.