కరీంనగర్​లో మంత్రి గంగుల పుట్టినరోజు వేడుకలు

రాష్ట్ర మంత్రి గంగుల కమలాకర్ 52వ పుట్టినరోజు వేడుకలను కరీంనగర్​లో నిర్వహించారు. నగర మేయర్​ సునీల్​రావు 52 కిలోల భారీ కేక్​ను కట్​ చేసి మిఠాయిలు పంచారు.

రాష్ట్ర పౌర సరఫరాల శాఖ మంత్రి గంగుల కమలాకర్ 52వ పుట్టినరోజు వేడుకలు కరీంనగర్​లో నిర్వహించారు. ఈ సందర్భంగా నగరంలోని గోపీకృష్ణ ఫంక్షన్ హాల్​లో నగర మేయర్ సునీల్​రావు 52 కిలోల భారీ కేక్​ను కట్ చేసి స్వీట్లు పంచారు. అనంతరం మేయర్ సునీల్​రావు ఆధ్వర్యంలో రక్తదాన శిబిరాన్ని నిర్వహించారు. కార్యక్రమంలో 52 మంది కార్యకర్తలు, అభిమానులు రక్తదానం చేశారు. వారికి సునీల్​రావు పండ్లను పంపిణీ చేశారు.

అనంతరం మాతా శిశు కేంద్రం తెరాస విధ్యార్థి విభాగం ఆధ్వర్యంలో పట్టణంలోని గర్భిణీ మహిళలకు పండ్లు, కోడిగుడ్లు, పండ్ల రసం అందజేశారు. ఛాంబర్​ ఆఫ్‌ కామర్స్‌ ఆధ్వర్యంలో స్వధార్‌ హోమ్​లో మహిళలకు చీరలు పంపిణీ చేశారు. కరీంనగర్ అభివృద్ధికి నిరంతరం కృషి చేస్తున్న మంత్రి గంగుల నిండు నూరేళ్లు సంతోషంగా జీవించాలని నాయకులు, అభిమానులు కోరుకున్నారు.