'ఇక్కడ కాదు.. పోతిరెడ్డిపాడులో ధర్నా చేయాలి'

పోతిరెడ్డిపాడుపై ధర్నా చేయాలంటే ఎంపీ బండి సంజయ్​ అక్కడికి వెళ్లి నిరసన తెలపాలంటూ మంత్రి గంగుల కమలాకర్​ వ్యాఖ్యానించారు. త్వరలోనే ముఖ్యమంత్రి కేసీఆర్​ కరీంనగర్​లో పర్యటించనున్నట్లు ఆయన వెల్లడించారు.

మహారాష్ట్రలో గోదావరి నదిపై బాబ్లీ ప్రాజెక్టు కట్టినప్పుడు.. తాను అక్కడికి వెళ్లి దెబ్బలు తిన్నట్లు మంత్రి గంగుల కమలాకర్ గుర్తు చేశారు. ఇప్పడు ఎంపీ బండి సంజయ్​ కూడా హైదరాబాద్​లో కాకుండా పోతిరెడ్డిపాడుకు వెళ్లి ధర్నా చేయాలని అన్నారు. ఏపీలో ఉన్న భాజపా నేతల ఇళ్లపై నల్లజెండాలు పెట్టి నిరసన వ్యక్తం చేయమని గంగుల ఎద్దేవా చేశారు.

కరీంనగర్​లో కరోనా వ్యాప్తి భయపెట్టినా.. కేసీఆర్​ ప్రణాళికలతో.. చాకచక్యంగా తిప్పికొట్టినట్లు మంత్రి చెప్పారు. త్వరలో కరీంనగర్​ జిల్లాలో ముఖ్యమంత్రి కేసీఆర్​ పర్యటించనున్నట్లు గంగుల వెల్లడించారు. హుజూరాబాద్​లో ఉండే ప్రగతిశీల రైతులు.. ఇప్పటికే అక్కడ నీటి వసతులు తయారు చేసుకున్నారని అన్నారు. వారితో కలిసి సన్నరకాల పంటకు సీఎం నాట్లు వేయనున్నట్లు ఆయన స్పష్టం చేశారు.

ఇవీ చూడండి:లక్ష్మీపురంలో విషాదం.. కుటుంబాన్ని మింగేసిన చెరువు