తెరాస పార్టీని విచ్ఛిన్నం చేసేందుకు మాజీ మంత్రి ఈటల రాజేందర్‌ కుట్ర పన్నారని మంత్రి గంగుల కమలాకర్(Minister Gangula) మండిపడ్డారు. కేసీఆర్ బొమ్మతోనే ఈటల గెలిచారని పేర్కొన్నారు. కరీంనగర్ జిల్లా హుజురాబాద్‌లో టీఆర్ఎస్ నేతలతో కలిసి విస్తృత స్థాయి సమావేశాన్ని ఏర్పాటు చేశారు.
ఉమ్మడి రాష్ట్రంలో వైఎస్‌ రాజశేఖర్‌ రెడ్డికి సద్దులు మోసిన వ్యక్తి ఈటల రాజేందర్‌ అని గంగుల(Minister Gangula) ఆరోపించారు. ఆయన.. భాజపా నేతలు అనుకున్నంత అమాయకుడు కాదన్నారు. ఆస్తుల రక్షణ కోసమే కమలం పార్టీలో చేరుతున్నారని విమర్శించారు. హుజురాబాద్ అభివృద్ది చెందాలంటే తెరాసను మరోసారి గెలిపించాల్సిన అవసరం ఉందని చెప్పారు.