'ప్రభుత్వ ఉద్యోగులు నలుగురికి ఆదర్శంగా ఉండండి'

ఉద్యోగ భద్రత ఉన్న ప్రభుత్వ ఉద్యోగులు అవినీతికి పాల్పడకుండా... నలుగురికి ఆదర్శంగా నిలవాలని కరీంనగర్ జిల్లా కలెక్టర్ సర్ఫరాజ్ అహ్మద్, నగర పోలీస్ కమిషనర్ కమలాసన్ రెడ్డి సూచించారు.

కరీంనగర్ జిల్లా కలెక్టర్ ఆడిటోరియంలో అవినీతి శాఖ ఆధ్వర్యంలో వారోత్సవాలు నిర్వహించారు. ఈ కార్యక్రమంలో జిల్లా అధికారులతో పాటు వివిధ శాఖల ఉద్యోగులు పెద్ద ఎత్తున పాల్గొన్నారు. జిల్లా కలెక్టర్ సర్ఫరాజ్ అహ్మద్, నగర పోలీస్ కమిషనర్​ కమలాసన్ రెడ్డి ముఖ్య అతిథిలుగా పాల్గొన్నారు. ప్రభుత్వ ఉద్యోగులు అవినీతికి పాల్పడకూడదని దిశానిర్దేశం చేశారు.

అనంతరం ఉమ్మడి జిల్లాలో నిర్వహించిన వ్యాసరచన పోటీల్లో గెలుపొందిన విద్యార్థులకు ప్రశంసాపత్రాలను అందజేశారు.