'అభ్యర్థులకు స్వేచ్ఛాయుత వాతావరణాన్ని కల్పించాలి'

పురపాలక ఎన్నికల నేపథ్యంలో కరీంనగర్​ జిల్లాలోని రెండు మున్సిపాలిటీ కార్యాలయాలను జిల్లా కలెక్టర్​ కె.శశాంక సందర్శించారు. వార్డుల వారీగా ఏర్పాటు చేసిన నామినేషన్‌ కేంద్రాలను తనిఖీ చేశారు.

నామినేషన్​ వేసే అభ్యర్థులకు స్వేచ్ఛాయుత వాతావరణాన్ని కల్పించాలని జిల్లా పాలనాధికారి కె.శశాంక అధికారులకు సూచించారు. కరీంనగర్‌ జిల్లాలోని హుజురాబాద్‌, జమ్మికుంట మున్సిపాలిటీ కార్యాలయాలను గురువారం ఆయన సందర్శించారు. మున్సిపల్​ కమిషనర్లు జోనా, రషీద్​లతో మాట్లాడారు. పలు వివరాలు అడిగి తెలుసుకున్నారు.

వార్డుల వారీగా ఏర్పాటు చేసిన నామినేషన్‌ కేంద్రాలను తనిఖీ చేశారు. అభ్యర్థులకు నామపత్రాలను దాఖలు చేసేందుకు స్వేచ్ఛాయుత వాతావరణాన్ని కల్పించాలని అధికారులను సూచించారు. ఎన్నికల నియమావళిని తప్పకుండా పాటించాలని ఆదేశించారు.

ఇవీ చూడండి: యావత్ దేశానికే ఆదర్శంగా మున్సిపాలిటీ చట్టం