కరీంనగర్ జిల్లా హుజూరాబాద్‌ ఏరియా ఆసుపత్రిలో రక్తదాన శిబిరాన్ని ఏర్పాటు చేశారు. శిబిరాన్ని ఆసుపత్రి ప్రధాన వైద్యుడు రవిప్రవీణ్‌రెడ్డి ప్రారంభించారు. యువకులు, స్థానికులు ఉత్సాహంగా రక్తదానం చేశారు. ఆస్పత్రి వైద్యులు, సిబ్బంది ఈ శిబిరంలో పాల్గొని రక్తదానం చేశారు. మొత్తం 150 యూనిట్ల రక్తాన్ని సేకరించారు. సేకరించిన రక్తాన్ని కరీంనగర్ ప్రధాన ఆసుపత్రికి తరలించారు. కార్యక్రమంలో ఆసుపత్రి ఆర్‌ఎంవో శ్రీకాంత్‌రెడ్డి, రక్త నిల్వ కేంద్రం వైద్యాధికారిణి హర్షిణి పాల్గొన్నారు.
హుజురాబాద్ ఏరియా ఆస్పత్రిలో రక్తదాన శిబిరం