'కరీంనగర్​ ఐటీ టవర్'

హైదరాబాద్​ తర్వాత మొట్టమొదటి సారిగా కరీంనగర్​లో ఐటీ టవర్​ ఏర్పాటు చేస్తున్నామని బీసీ సంక్షేమ శాఖ మంత్రి గంగుల కమలాకర్​ అన్నారు. డిసెంబర్​లోగా టవర్​ నిర్మాణం పూర్తవుతుందని తెలిపారు.

రాజధాని భాగ్యనగరం తర్వాత అంతటి స్థాయిలో కరీంనగర్​లో ఐటీ టవర్​ ఏర్పాటు చేస్తున్నామని మంత్రి గంగుల కమలాకర్​ అన్నారు. ఇప్పటికే ఏడు అంతస్థులు సిద్ధంగా ఉన్నాయని, డిసెంబర్​లోగా టవర్​ నిర్మాణం పూర్తవుతుందని తెలిపారు. 11 కంపెనీలతో ఎంఓయూలు కుదుర్చుకున్నట్లు వెల్లడించారు. ఐటీ టవర్​ మొత్తం మూడు షిఫ్టుల్లో 3,600 మంది యువతకు ఉపాధి లభించే విధంగా ప్రణాళిక అమలు చేస్తున్నామన్నారు. ప్రధానంగా కరీంనగర్​ జిల్లా వాసులకే ప్రాధాన్యత ఇస్తామని పేర్కొన్నారు. డిసెంబర్‌ రెండో వారంలో ఐటీ వింగ్‌తో కలిసి అమెరికా వెళ్లనున్నట్లు మంత్రి గంగుల కమలాకర్ చెప్పారు.

• ఇదీ చూడండి : 'ఆపిల్' పండు థియరీ.. రాఘవేంద్రరావు మాటల్లో