covid test: కరోనా టెస్టు సమయంలో ముక్కులో విరిగిన స్క్వాబ్

కొవిడ్​ పరీక్షల్లో భాగంగా ఓ సర్పంచ్​కు టెస్టు(covid test) చేస్తున్న క్రమంలో అతని ముక్కులో స్క్వాబ్ చిక్కుకుంది... తీసే ప్రయత్నం చేసినా ఫలించలేదు. ఆ స్క్వాబ్ ముక్కులోనే విరిగిపోయింది. దీంతో దానిని తీసేందుకు స్థానికంగా వైద్య సదుపాయంలేక పోవటంతో... కరీంనగర్ ప్రైవేట్ ఆస్పత్రిలో ఎండోస్కోపి ద్వారా దానిని బయటకు తీశారు. ఈ సంఘటన కరీంనగర్ జిల్లాలో చోటుచేసుకుంది.

కరీంనగర్ జిల్లా రామడుగు మండలం వెంకట్రావుపల్లి సర్పంచ్ జవ్వాజి శేఖర్.. కరోనా పరీక్ష(covid test) చేయించుకునే సమయంలో ముక్కులో స్క్వాబ్ విరిగింది. దీంతో ఆందోళనకు గురైన ఆయన వైద్యం కోసం పరుగులు తీశాడు.

కరీంనగర్ ప్రైవేట్ ఆస్పత్రిలో ఎండోస్కోపి ద్వారా విరిగిన పుల్లను వెలికి తీశారు. ప్రమాదం నుంచి క్షేమంగా బయట పడటంతో అంతా ఊపిరి పీల్చుకున్నారు.

ఇదీ చూడండి:Rare surgery: బాలిక కడుపులో 2 కిలోల వెంట్రుకల ముద్ద గుర్తింపు