ఎన్నికల రీత్యా భూపాలపల్లిలో గట్టి బందోబస్తు

భూపాలపల్లి నియోజకవర్గంలో ప్రశాంత వాతావరణంలో ఎన్నికలు నిర్వహించేందుకు ఏర్పాట్లు పూర్తయ్యాయి. జిల్లా పాలనాధికారి వాసం వెంకటేశ్వర్లు, అదనపు కలెక్టర్​ స్వర్ణలత, భద్రతా పరంగా జిల్లా ఎస్పీ భాస్కరన్​ విధుల్లో నిమగ్నమయ్యారు.

రేపు జరగబోయే పార్లమెంటు ఎన్నికలకు సంబంధించి వరంగల్ పార్లమెంటు నియోజకవర్గంలో పోలింగ్​ సజావుగా నిర్వహించేందుకు అన్ని ఏర్పాట్లు చేశారు. భూపాలపల్లి నియోజక వర్గంలోని 317 పోలింగ్​ కేంద్రాలకు సంబంధించిన సిబ్బంది పోలింగ్​ సామగ్రితో బయలుదేరారు. మావోయిస్టు ప్రభావిత ప్రాంతాలు అయినందున గురువారం ఉదయం 7 నుంచి సాయంత్రం 4 గంటల వరకు పోలింగ్​ జరగనుంది. ఎటువంటి అవాంఛనీయ ఘటనలు జరగకుండా గట్టి బందోబస్తు ఏర్పాటు చేశారు. ప్రతి ఒక్కరు ఓటు హక్కు వినియోగించుకోవాలని అధికారులు సూచించారు.

ఇదీ చదవండి: 'ఓటేసేందుకు దేశాలు దాటి రావాల్సిందేనా?'