'ఏ పార్టీలో గెలిచినా తెరాసలో చేరితేనే అభివృద్ధా?'

జగిత్యాల జిల్లాలో కాంగ్రెస్ శ్రేణులతో నిర్వహించిన సమావేశంలో... ఖజానాను తెరాస సర్కార్ ఖాళీ చేసిందని కాంగ్రెస్ సీనియర్ నేత టి.జీవన్ రెడ్డి ఆరోపించారు.

లోక్​సభ ఎన్నికల ఫలితాలు కాంగ్రెస్​కే అనుకూలమని కేసీఆర్ గ్రహించినందునే స్థానిక సంస్థల ఎన్నికలకు తొందరపడుతున్నారని ఎమ్మెల్సీ జీవన్​రెడ్డి ఆరోపించారు. జగిత్యాల జిల్లాలో కాంగ్రెస్ పార్టీ కార్యకర్తలతో నిర్వహించిన సమావేశంలో పాల్గొన్నారు. గ్రామ పంచాయతీ ఎన్నికలు జరిగి వంద రోజులు దాటిందని.. అయినా సర్పంచ్​లకు చెక్​ పవర్ ఇవ్వలేదని విమర్శించారు.

గ్రామంలో పారిశుద్ధ్య కార్మికులకు వేతనాలు చెల్లించడానికి కూడా నిధులు లేని దుస్థితిలో రాష్ట్ర ప్రభుత్వం ఉందని ఆవేదన వ్యక్తం చేశారు. నిధులన్ని దొడ్డి దారిన కాజేసి ఖజానాను ఖాళీ చేశారని ఆరోపించారు.

ఇవీ చూడండి : ప్రియురాలు మోసం చేసిందని ఉరి వేసుకున్నాడు