సీఆర్పీఎఫ్​ సమాజ సేవ

దేశ రక్షణలోనే కాదు ప్రజా సేవలో ముందుంటామని  నిరూపిస్తున్నారు సీఆర్పీఎఫ్​ జవాన్లు. ములుగు జిల్లా లక్నవరంలో హెల్త్​ క్యాంప్​ నిర్వహించారు.

ములుగు జిల్లా లక్నవరంలోని రాయిని గూడెం గ్రామంలో 39వ సీఆర్పీఎఫ్ బెటాలియన్ మెడికల్ క్యాంప్​ ఏర్పాటు చేసింది. కొత్తూరు, పంచోత్కులపల్లి, దుబ్బ గూడెం, పెగడపల్లి గ్రామాల నుంచి వందలాది మంది నిరుపేదలు వచ్చి పరీక్షలు చేయించుకున్నారు. అనారోగ్యంతో ఉన్నవారికి మందులు ఇస్తున్నామని మెడికల్ ఆఫీసర్ రూప తెలిపారు.

పిల్లలకు ఆట వస్తువులు పంపిణీ చేస్తున్నామని అన్నారు. ఈ కార్యక్రమంలో సీఆర్పీఎఫ్ కమాండెంట్, సివిల్ పోలీసులు పాల్గొన్నారు.