ఇప్పటి వరకు పెండింగ్లో ఉన్న భూ సేకరణను వేగవంతం చేయాలని జయశంకర్ భూపాలపల్లి జిల్లా కలెక్టర్ కృష్ణ ఆదిత్య అధికారులను ఆదేశించారు. భూ సేకరణ వల్ల ఇళ్లు కోల్పోతున్న కుటుంబాలను మరొకసారి సర్వే చేసి వారికి పునరావాసం కల్పించాలని సూచించారు. జిల్లాలోని ఆయా శాఖల అధికారులతో ఆయన సమిక్షా సమావేశం ఏర్పాటు చేశారు.
వచ్చే నెల 23 లోగా...
భూపాలపల్లి, మల్హర్రావు, ఘనపూర్ మండలాల్లో పెండింగ్లో ఉన్న భూసేకరణను త్వరితగతిన పూర్తి చేయాలని ఆయా శాఖల ఆధికారులను కలెక్టర్ ఆదేశించారు. వచ్చే నెల 23 తేదీలోగా పూర్తిస్థాయిలో వివరాలు సేకరించాలన్నారు. అధికారులంతా సమన్వయంతో పనిచేయాలని సూచించారు.