జనగామలో కుటుంబం ఆత్మహత్యాయత్నం

ఇరవై ఏళ్లుగా సాగు చేసుకుంటున్న భూమి మీది కాదన్నారు. దున్నేందుకు వెళ్తే... బెదిరించారు, భయపెట్టారు. భూమి లేని బతుకు ఎందుకని మనస్తాపం చెంది కుటుంబమంతా ఆత్మహత్యాయత్నానికి పాల్పడ్డారు.

జనగామ జిల్లా బచ్చనపేట మండలం కేసిరెడ్డిపల్లిలో ఒకే కుటుంబానికి చెందిన ముగ్గురు పురుగుల మందు తాగి ఆత్మహత్యకు యత్నించారు. బద్దిపడిగెల మాధవరెడ్డి అనే వ్యక్తి 20 సంవత్సరాల క్రితం బాల్​రెడ్డి వద్ద కొంత భూమి కొని సాగు చేసుకుంటున్నాడు. ఆ భూమిని తన పేరు మీద పట్టా చేసుకోనివ్వటంలేదని మనస్తాపం చెందిన మాధవ రెడ్డి... భార్య, కొడుకుతో కలిసి పురుగుల మందు తాగారు. విషయం గుర్తించిన ఇరుగుపొరుగు వారు ముగ్గురిని ప్రాంతీయ ఆసుపత్రికి తరలించారు.ఇన్నేళ్ల నుంచి సాగు చేసుకుంటున్న భూమిని దున్నొద్దంటూ బాల్​రెడ్డి అడ్డుపడుతున్నాడని బాధితులు ఆరోపిస్తున్నారు.భూమిని తమ పేరు మీద పట్టా చేయించి న్యాయం చేయాలంటూ బాధితులు కోరుతున్నారు.

ఇవీ చూడండి:పెళ్లికోసం ప్రియుడిపై కిరోసిన్​ దాడి