పసుపు బోర్డు ఏర్పాటు చేయాలంటూ రైతుల ధర్నా

పసుపుకు మద్దతు ధర ప్రకటించి, పసుపు బోర్డును ఏర్పాటు చేయాలంటూ జగిత్యాల కలెక్టరేట్​ ఎదుట రైతులు ఆందోళనకు దిగారు.

జగిత్యాల జిల్లా కేంద్రంలో పసుపు రైతులు ఆందోళనకు దిగారు. జిల్లా పాత బస్టాండ్​ నుంచి కలెక్టర్ కార్యాలయం వరకు ర్యాలీగా వచ్చిన రైతులు రహదారిపై రాస్తారోకో చేపట్టారు. క్వింటా పసుపుకు రూ.15,000 మద్దతు ధర ప్రకటించాలని, పసుపు బోర్డును ఏర్పాటు చేయాలంటూ నినాదాలు చేశారు.

కలెక్టరేట్​ను ముట్టడించేందుకు యత్నించగా కొద్దిసేపు ఉద్రిక్త వాతావరణం నెలకొంది. అనంతరం పరిస్థితి సద్దుమణిగాక సంయుక్త కలెక్టర్ రాజేశానికి రైతులు వినతిపత్రాన్ని అందజేశారు.

ఇవీచూడండి: మంచి, చెడు స్పర్శలపై మీ పిల్లలకు చెప్పారా