అకాల వర్షం.. రైతన్నల జీవితం అతలాకుతలం

అకాల వర్షం జగిత్యాల జిల్లా​ కర్షకులకు కన్నీరు మిగిల్చింది. ఈదురు గాలులతో కూడిన వర్షానికి చేతికొచ్చి మామిడి పంట నేలరాలింది. కేంద్రాల్లో అమ్మకానికి ఉంచిన ధాన్యం నీటిపాలయింది.

జగిత్యాల జిల్లా కోరుట్ల నియోజకవర్గంలోని మల్లాపూర్​, మెట్​పల్లి మండలాల్లో అకాల వర్షం అన్నదాతలకు అపార నష్టాన్ని మిగిల్చింది. జిల్లాలో ఈదురు గాలులతో కూడిన వర్షానికి చేతికొచ్చిన మామిడి కాయలు నేలారాలాయి.

ఐకేపీ కేంద్రాల్లో అమ్మకానికి ఉంచిన ధాన్యం తడిసిముద్దయింది. చాలా చోట్ల ధాన్యం నీటిలో కొట్టుకుపోయింది. మాదాపూర్​ శివారులోని రైస్​ మిల్లులో రేకులు గాలికి ఎగిరిపోయాయి. అకాల వర్షం తమ జీవితాలను అతలాకుతలం చేసిందని అన్నదాతలు ఆవేదన వ్యక్తం చేశారు.