ఘనంగా ధర్మపురి బ్రహ్మోత్సవాలు ధర్మపురి లక్ష్మీనరసింహ స్వామి బ్రహ్మోత్సవాలు కొనసాగుతున్నాయి. అందులో భాగంగా దేవాలయంలోని శేషప్ప కళావేదికపై స్వామి వారి కల్యాణం అంగరంగ వైభవంగా నిర్వహించారు. నరసింహ స్వామిని పూలతో ప్రత్యేకాలంకరణ చేశారు. అర్చకుల ఇళ్లకు వెళ్లి నరసింహుని, లక్ష్మీమాతల ఎదుర్కోలు కార్యక్రమాన్ని చేపట్టారు. రాష్ట్రప్రభుత్వం తరఫున జిల్లా కలెక్టర్‌ శరత్‌...స్వామి వారికి పట్టు వస్త్రాలుసమర్పించారు. ఈ కల్యాణ వైభోగాన్ని చూసేందుకు రాష్ట్రనలుమూలల నుంచి వేలాది మంది భక్తులు ధర్మపురికి తరలి వచ్చారు. భక్తులకు ఎటువంటి ఇబ్బందులు కలగకుండా అధికారులు చర్యలు తీసుకున్నారు.
