లాక్డౌన్ కారణంగా అంతర్జాల వినియోగం పెరిగింది. కేంద్ర, రాష్ట్ర ప్రభుత్వాల మధ్య సమాచారం మార్పిడి కోసం వీడియో కాన్ఫరెన్స్లు నిర్వహిస్తున్నారు. అయితే వరకు ఉపయోగిస్తున్న జూమ్ అప్లికేషన్ అంత సురక్షితం కాదని గుర్తించిన కేంద్రం.. దాన్ని వినియోగించద్దని నిర్దేశకాలు జారీ చేసింది. దీనికి సంబంధించిన మరింత సమాచారాన్ని ప్రముఖ సైబర్ నిపుణులు నల్లమోతు శ్రీధర్తో మా ప్రతినిధి శ్రీకాంత్ ముఖాముఖి...
'జూమ్' యాప్ ఎందుకు సురక్షితం కాదంటే...! - కేంద్రం జూమ్ ఆప్ ఎందుకు వినియోగించవద్దని నిర్దేశించింది?
2011లో వీడియో కాన్ఫరెన్స్ కోసం జూమ్ యాప్ను తీసుకొచ్చింది. లాక్డౌన్ తర్వాత దాని వినియోగం 200 నుంచి 300 రెట్లు వరకు అప్లికేషన్ వినియోగం పెరిగింది. రక్షణపరంగా జూమ్ యాప్లో చాలా లొసుగులు ఉన్నాయని తాజాగా వెల్లడైంది. యాప్ ద్వారా బయటకు వెళ్లే డాటా రెండు రకాలుగా ఉంటుంది.
1. వెబ్ డాటాలో టీసీపీ, ఐపీ పాకెట్స్ ద్వారా వెళ్తాయి. వీడియో డాటా అయితే యూడీపీ పాకెట్స్ ఉంటాయి. ఇవి ఎన్క్రిప్టెడ్ ద్వారా ఉంటే పర్వాలేదు. లేని పక్షంలో... మధ్యలో ఎవరైనా హ్యాకర్స్ ఈ డాటాను దొంగలించే అవకాశముంటుంది.
2. ఫ్రీ అకౌంట్ కలిగిన వారికి చైనా సర్వర్ల ద్వారా మనకి వీడియో కాల్స్ జరుగుతున్నాయి. దీనివల్ల అక్కడి ప్రభుత్వం వీటిపై నిఘా పెట్టి మన డాటాను చోరీ చేసే అవకాశాలు ఎక్కువుంటాయి.
- ఇలా హ్యాక్ అయిన అంశాలేమైనా మనకి బయటకు వచ్చాయా?
సింగపూర్లో ఇలాంటి ఘటన ఒకటి బయటకువచ్చింది. టీచర్లు, విద్యార్థుల మధ్య జరిగే వీడియో తరగతుల్లో పాకెట్ స్నిప్పర్స్ ద్వారా డాటా చోరీకి గురైంది. ఆ పరిస్థితుల్లో ఉపాధ్యాయుడు చూపించే వీడియో కాకుండా హ్యాకర్స్ విడుదల చేసిన అశ్లీల చిత్రాలు విద్యార్థులకు కనిపించాయి. ఇలాంటి ఘటనలు చాలా చోటుచేసుకున్నందున మన ప్రభుత్వం ముందస్తుగా అప్రమత్తమైంది.
- ఇలాంటి ఘటనలపై సదరు సంస్థ యాప్లో ఏమైనా మార్పులు చేసిందా?
వాస్తవంగా జూమ్ చుట్టూ ఎన్నో లొసుగులు ఉన్నాయనేవి వెల్లడయ్యాక సంస్థ ప్రతినిధులు కొన్ని మార్పులు చేసింది. సభ్యులు వీడియో కాల్స్ చేసినప్పుడు పైన కనిపించే ఐడీ నంబరును ఎవరికీ కనిపించకుండా చేసింది. ప్రీమియం అకౌంట్ ఉన్న వారికి వచ్చే డాటాను ఏ సర్వర్ నుంచి రావాలో ఎంచుకునే సదుపాయాన్ని కల్పించింది. కానీ ఇండియా లాంటి దేశాల్లో ఇలాంటివి చాలా చిన్న మార్పులు.
ఇదీ చూడండి :మీరు నీలిచిత్రాలు చూస్తున్నారా... జాగ్రత్త
