'నన్ను, నా కొడుకుని పుట్టింటికి పంపాడు.. విడాకులంటున్నాడు'

తనను కాపురానికి తీసుకెళ్లటంలేదని ఓ మహిళ భర్త ఇంటి ముందు దీక్షకు దిగింది. పోలీసులు మందలించినా... మారలేదని ఆరోపించింది. ఈ ఘటన హైదరాబాద్​ సరూర్​నగర్​ శ్రీసాయికృష్టనగర్​లో చోటుచేసుకుంది.

కాపురానికి తీసుకెళ్లడం లేదని భర్త ఇంటి ముందు ఓ వివాహిత ధర్నాకు దిగింది. అత్తా మామ, మరిది ప్రోద్బలంతోనే తనను పుట్టింటికి వెళ్లగొట్టారని ఆరోపిస్తూ ఆందోళన చేపట్టింది. ఈ ఘటన హైదరాబాద్ సరూర్​నగర్ శ్రీ సాయికృష్ణనగర్​లో చోటుచేసుకుంది. రిటైర్డ్ విద్యుత్ ఏఈ బురం దశరథం కుమారుడు సంతోశ్​కుమార్​కి నాగర్​కర్నూల్​కు చెందిన ఆర్టీసీ డ్రైవర్ గజ్జల శేఖర్ కుమార్తె మౌనికతో 2017 మే 10 న వివాహం జరిగింది.

గోవాలోని ఓ రెస్టారెంట్​లో పనిచేసిన సంతోశ్​కుమార్​... కొంతకాలం తర్వాత మానేసి నగరానికి వచ్చాడు. సంతోశ్​ దంపతులకు ఒక కొడుకున్నాడు. కాగా... మౌనికను, కొడుకును పుట్టింటికి పంపించేసి... విడాకులు కావాలని నోటీసులు పంపారు. ఈ క్రమంలో నాగర్​ర్నూల్ పోలీసులు కౌన్సెలింగ్ నిర్వహించినా ఫలితం లేదు. పోలీసులు మందలించినా... తనను కాపురానికి తీసుకెళ్లడం లేదని సంతోశ్​ ఇంటి ముందు దీక్షకు దిగింది. పోలీసులు ఇంటి వద్దకు వచ్చి విచారిస్తున్నారు. మౌనిక తల్లిదండ్రులు సరూర్​నగర్ పోలీస్​స్టేషన్​లో ఫిర్యాదు చేశారు.

ఇదీ చదవండి :ప్యాలెస్‌ ఆఫ్‌ వర్సైల్స్‌ స్ఫూర్తిగా నూతన సచివాలయం