ETELA JAMUNA: తాము ఒక్క గుంట భూమి కూడా కబ్జా చేయలేదని మాజీ మంత్రి ఈటల రాజేందర్‌ సతీమణి జమున అన్నారు. కబ్జా చేసినట్లు నిరూపిస్తే ముక్కు నేలకు రాస్తామని చెప్పారు. హైదరాబాద్‌లో నిర్వహించిన మీడియా సమావేశంలో ఆమె మాట్లాడారు. రేపు సీఎం కేసీఆర్ అధికారులను తీసుకొని రావాలని.. తాము భూములు కబ్జా చేస్తే చర్యలు తీసుకోవాలన్నారు.
ఒక గుంట భూమి కూడా కబ్జా చేయలేదు. కబ్జా చేశామని నిరూపిస్తే ముక్కు నేలకు రాస్తాం. రేపు సీఎం కేసీఆర్ అధికారులను తీసుకొని రావాలి. తమ భూమి సర్వే నంబర్లు.. నిన్న ఇచ్చిన సర్వే నంబర్లకు పొంతన లేదు. కక్షపూరిత చర్యలకు కేసీఆర్ పాల్పడుతున్నారు. మేము ప్రజలకు సేవ చేసేందుకే ఉన్నాం. - ఈటల జమున
రాజకీయంగా ఎదుర్కొలేకే ముఖ్యమంత్రి కేసీఆర్ భూములపై పడుతున్నారని జమున హేచరీస్‌ అధినేత, ఈటల సతీమణి జమున ఆరోపించారు. కావాలనే ఈటలపై తెరాస ప్రభుత్వం కక్ష గట్టిందని జమున అసహనం వ్యక్తం చేశారు. తమ భూమి సర్వే నంబర్లు.. నిన్న ఇచ్చిన సర్వే నంబర్లకు పొంతన లేదని చెప్పారు. కేసీఆర్ కక్ష పూరిత చర్యలకు పాల్పడుతున్నారని ఆరోపించారు. తాము ప్రజలకు సేవ చేసేందుకే ఉన్నామన్నారు.