వాల్మీకి చిత్రాన్ని అడ్డుకుంటాం: గోపీ

దర్శకుడు హరీశ్ శంకర్ రూపొందిస్తున్న వాల్మీకి చిత్రం బోయల మనోభావాలను దెబ్బతీసే విధంగా ఉందంటూ వాల్మీకి బోయలు ఇందిరా పార్కు వద్ద ధర్నా నిర్వహించారు. చిత్రాన్ని అడ్డుకుంటామని హెచ్చరించారు.

హైదరాబాద్ ఇందిరాపార్కు వద్ద బోయల హక్కుల పోరాట సమితి ఆధ్వర్యంలో వాల్మీకి బోయలు ధర్నా నిర్వహించారు. తమ కుల ఆరాధ్య దైవమైన మహర్షి వాల్మీకి పేరుతో రామ్​ ఆచంట, గోపీ ఆచంటలు నిర్మిస్తున్న చిత్రం తమ మనోభావాలను దెబ్బతీసేలా ఉందనివాల్మీకిహక్కుల పోరాట సమితి అధ్యక్షుడు గోపీ పేర్కొన్నారు.

ఈ సినిమాకు తెలంగాణలో కాకుండా ఆంధ్రప్రదేశ్ సెన్సార్ బోర్డు నుంచి అనుమతి తీసుకున్నట్లు పత్రాలు చూపించడం భావ్యం కాదని గోపీ ఆరోపించారు. చిత్ర సిబ్బంది వెంటనే స్పందించి వాల్మీకి పేరును మార్చాలని, లేదంటే సెప్టెంబర్​లో విడుదల కాబోయే ఈ చిత్రాన్ని తాము అడ్డుకుంటామని ఆయన హెచ్చరించారు.

ఇదీ చూడండి : ముట్టుకుంటే వెలిగే బల్బును చూశారా!