కేటీఆర్ సార్.. మా అన్న దేహాన్ని రప్పించండి: కవిత

కేటీఆర్ సార్​.. మా అన్నయ్య అమెరికాలో మృతి చెందాడు. మృతదేహాన్ని రప్పించేందుకు తెలంగాణ, భారత ప్రభుత్వం చర్యలు తీసుకోవాలంటూ.. ఓ మహిళ కేటీఆర్​కు ట్వీట్​ చేసింది. కేంద్రమంత్రి కిషన్​రెడ్డికి సైతం స్థానిక భాజపా నేతల ద్వారా సమాచారం అందించింది.

ఉద్యోగం నిమిత్తం అమెరికాలో నివాసముంటున్న మేడ్చల్​ జిల్లా మేడిపల్లి వాసి.. పానుగంటి శ్రీధర్​ అనారోగ్యంతో అక్కడే మృతి చెందారు. ఈ మేరకు బుధవారం ఇక్కడి కుటుంబ సభ్యులకు సమాచారం అందింది.

గత నెల 27న అనారోగ్యం కారణంగా ఆసుపత్రిలో చేరిన శ్రీధర్​.. చికిత్స పొందుతూ ఈనెల 1న మృతి చెందినట్లు కుటుంబ సభ్యులు తెలిపారు. మృతదేహాన్ని ఇక్కడికి రప్పించేందుకు తెలంగాణ, భారత ప్రభుత్వం చర్యలు తీసుకోవాలని శ్రీధర్ చెల్లెలు కవిత కోరారు. ఈ మేరకు రాష్ట్ర ఐటీ శాఖ మంత్రి కేటీఆర్​కు ట్విట్టర్​ ద్వారా, కేంద్ర హొం‌ సహాయ మంత్రి జి.కిషన్ రెడ్డికి స్థానిక భాజపా నేతల ద్వారా విజ్ఞప్తి చేశామని కవిత తెలిపారు.

''మా అన్నయ్య మృతదేహాన్ని రప్పించండి''.. కేటీఆర్​కు ట్వీట్​

ఇవీ చూడండి:ఓల్డ్ మలక్​పేటలో రీపోలింగ్