Mistakes in Part-2 Applications: ఫిజికల్‌ ఎఫిషియన్సీ టెస్ట్‌ (పీఈటీ), ఫిజికల్‌ మెజర్‌మెంట్‌ టెస్ట్‌ (పీఎంటీ)లను రాష్ట్రవ్యాప్తంగా 11-12 కేంద్రాల్లో నిర్వహించనుంది. హైదరాబాద్‌, వరంగల్‌, కరీంనగర్‌, ఖమ్మం, మహబూబ్‌నగర్‌, నల్గొండ, సంగారెడ్డి, ఆదిలాబాద్‌, నిజామాబాద్‌తో పాటు అదనంగా ఒకట్రెండు ప్రాంతాల్లో నిర్వహిస్తారు. ఈ పరీక్షలను ఎప్పటి నుంచి ప్రారంభిస్తామనేది మాత్రం ప్రకటించలేదు. పీఈటీ/పీఎంటీ అడ్మిట్‌కార్డులను వెబ్‌సైట్‌ ద్వారా విడుదల చేయనున్నారు. ఈ పరీక్షల్లో పాల్గొనేందుకు అభ్యర్థులు తమవెంట అడ్మిట్‌కార్డుతో పాటు తీసుకురావాల్సిన సర్టిఫికేట్ల గురించి మండలి స్పష్టత ఇచ్చింది.
2,37,862 మంది అభ్యర్థుల దరఖాస్తు:ప్రాథమిక రాతపరీక్ష(పీడబ్ల్యూటీ)లో ఉత్తీర్ణులైన 2,37,862 మంది అభ్యర్థులు గడువులోగా తమ దరఖాస్తులు సమర్పించారు. వీరిలో 1,91,363 మంది పురుషులు, 46,499 మంది మహిళలున్నారు. మొత్తం 5,07,890 రావాల్సి ఉండగా.. గడువులోపు 4,63,970 నమోదయ్యాయి. మొత్తంగా 91శాతం దరఖాస్తులొచ్చాయి. ఆబ్కారీ కానిస్టేబుల్‌ పోస్టులకు అత్యధికంగా.. పోలీస్‌ రవాణా సంస్థ డ్రైవర్‌ పోస్టులకు అత్యల్పమంది నమోదు చేసుకున్నారు.