తెలంగాణ

telangana

ETV Bharat / state

Top Ten News: టాప్టెన్ న్యూస్ @11AM - top news in telangana

ఇప్పటి వరకు ఉన్న ప్రధాన వార్తలు

Top Ten News

టాప్ న్యూస్ @ 11AM

By

Published : Feb 2, 2022, 10:51 AM IST

బడ్జెట్ తర్వాత తొలి సమావేశం

పార్లమెంటులో బడ్జెట్ ప్రవేశపెట్టిన తర్వాత తొలిరోజు ఉభయ సభలు జరగనున్నాయి. ఉదయం 10 గంటల నుంచి మధ్యాహ్నం 3గంటల వరకు రాజ్యసభ, సాయంత్రం 4 నుంచి 9 గంటల వరకు లోక్సభ సమావేశాలు జరుగుతున్నాయి.

తగ్గిన కేసులు.. పెరిగిన మరణాలు

భారత్లో కరోనా కొత్త కేసులు స్వల్పంగా తగ్గాయి. మంగళవారం ఉదయం నుంచి బుధవారం ఉదయం వరకు మరో 1,61,386 మందికి వైరస్ నిర్ధరణ అయింది. ఒక్కరోజులోనే రికార్డు స్థాయిలో 1,733 మంది మరణించారు. దేశంలో పాజిటివిటీ రేటు 9.26 శాతంగా ఉందని కేంద్ర ఆరోగ్య శాఖ తెలిపింది.

4 వారాల్లో ఒమిక్రాన్‌ ఉద్ధృతి తగ్గుముఖం

తొలి రెండు కొవిడ్‌ దశల్లో బీటా, డెల్టా వేరియంట్ల కారణంగా మరణాలు ఎక్కువగా నమోదయ్యాయని ఏఐజీ ఛైర్మన్‌ డాక్టర్‌ డి.నాగేశ్వరరెడ్డి తెలిపారు. మూడోదశలో ఒమిక్రాన్‌ వల్ల మరణాలు చాలా తక్కువ నమోదయ్యాయని పేర్కొన్నారు. ఈ వేరియంట్‌ వ్యాప్తి అధికంగా ఉందని... రాష్ట్రంలో ‘బిఎ 2’ ఉపరకం ఒమిక్రాన్‌ కేసులు ఎక్కువగా నమోదవుతున్నాయని చెప్పారు.

తెలంగాణకు దక్కిన కేటాయింపులు ఇలా

కేంద్ర బడ్జెట్‌లో తెలుగు రాష్ట్రాలకు పెద్దగా కేటాయింపులేమీ కనిపించకపోయినా... వైజాగ్‌ స్టీల్‌ప్లాంట్‌, సింగరేణి బొగ్గు గనులకు కాస్త నిధులు కేటాయించారు. మరోవైపు రక్షణ రంగం బలోపేతంతో హైదరాబాద్‌కు లబ్ధి చేకూరనుంది.

వెలవెలబోయిన రిజిస్ట్రేషన్‌ కార్యాలయాలు

రాష్ట్రంలో రిజిస్ట్రేషన్‌ కార్యాలయాలు మంగళవారం వెలవెలబోయాయి. కార్యాలయాలన్నీ సందడి లేకుండా కనిపించాయి. భూములు, ఇంటి స్థలాలు, అపార్టుమెంట్లలోని ఫ్లాట్‌ల విలువలు మంగళవారం అమలులోకి రావడంతో ఎవ్వరూ స్థిరాస్తుల రిజిస్ట్రేషన్లకు మొగ్గు చూపలేదు.

పాజిటివ్‌ వచ్చినా ఐసోలేషన్‌ అక్కర్లేదు

కరోనా ఉద్ధృతి తగ్గుముఖం పడుతున్న క్రమంలో ఆంక్షలను సడలించింది దక్షిణాఫ్రికా ప్రభుత్వం. ముఖ్యంగా కొవిడ్ పాజిటివ్ పాజిటివ్ వచ్చిన వారికి లక్షణాలు లేకుంటే అసలు ఐసోలేషన్ అవసరమే లేదని ప్రకటించింది. పాఠశాలల్లో భౌతిక దూరం నిబంధననూ ఎత్తివేసింది.

స్టాక్ మార్కెట్లకు బడ్జెట్ బూస్ట్

కేంద్ర ప్రభుత్వం ప్రవేశపెట్టిన బడ్జెట్ సానుకూలతలతో.. దేశీయ స్టాక్ మార్కెట్లు భారీ లాభాలతో ప్రారంభమయ్యాయి. బజాజ్ ఫైనాన్స్, కోటక్ మహీంద్రా బ్యాంక్, పవర్ గ్రిడ్ వంటి షేర్లు లాభాల్లో ట్రేడవుతున్నాయి. టెక్ మహీంద్రా, సన్ఫార్మా, టాటా స్టీల్ షేర్లు నష్టాల్లో కొనసాగుతున్నాయి.

4 స్తంభాలపై రూ.40లక్షల కోట్లు

బడ్జెట్లో నాలుగు ప్రధాన అంశాలపైనే దృష్టి సారించింది కేంద్రం. వీటితో పాటు ఈ-విద్య, 5జీ, డిజిటల్ కరెన్సీపై ప్రధానంగా దృష్టి పెట్టింది.

ఐపీఎల్ వల్లే.. టీమ్లోకి రాగలిగా

ఐపీఎల్ వల్లే తాను జాతీయ జట్టులో చోటు దక్కించుకోగలిగానని అన్నాడు యువ బౌలర్ అవేశ్ ఖాన్. బౌలర్గా ఎదగడంలో దిల్లీ హెడ్ కోచ్ రికీ పాంటింగ్ అందించిన ప్రోత్సాహం ఎప్పటికీ మరువలేనిదని చెప్పాడు.

'రాధేశ్యామ్' కొత్త రిలీజ్ డేట్

ప్రభాస్, పూజాహెగ్డే నటించిన 'రాధేశ్యామ్' కొత్త విడుదల తేదీని ప్రకటించింది చిత్రబృందం. మార్చి 11న ప్రపంచవ్యాప్తంగా థియేటర్లలో రిలీజ్ చేయనున్నట్లు తెలిపింది.

For All Latest Updates

TAGGED:

తెలంగాణ సమాచారం

తెలంగాణ టాప్ న్యూస్

టాప్ న్యూస్

telangana top news

top news in telangana

ABOUT THE AUTHOR

...view details