హైదరాబాద్‌ గోల్కొండ కోటలోని అమ్మవారి గుడిలో దొంగతనానికి విఫలయత్నం జరిగింది. ఈ ఘటన ఆదివారం రాత్రి జరగ్గా... ఆలస్యంగా వెలుగులోకి వచ్చింది. ఆలయంలోకి ప్రవేశించిన గుర్తుతెలియని దుండగులు సీసీ కెమెరాలను ధ్వంసం చేశారు. హుండీని పగలగొట్టేందుకు ప్రయత్నించగా... సాధ్యం కాకపోవటంతో వెనుదిరిగారు.
సోమవారం ఉదయాన పూజారి వచ్చినప్పుడు ఈ విషయం తెలిసింది. వెంటనే గోల్కొండ పీఎస్కు సమాచారమందించాడు. అగంతుకులు ఘటనాస్థలంలోనే వదిలేసి వెళ్లిన పనిముట్లను పోలీసులు స్వాధీనం చేసుకుని దర్యాప్తు చేస్తున్నారు.
