నాలాలో కొట్టుకుపోయిన వ్యక్తి మృతదేహం లభ్యం

నిన్న రాత్రి కురిసిన వర్షం వల్ల ఓ వ్యక్తి మూత్ర విసర్జన కోసం బయటకు వెళ్లి నాలాలోపడి కొట్టుకుపోయాడు. గల్లంతైన ఆ వ్యక్తి మృతదేహం హైదరాబాద్ ప్రగతి నగర్​ చెరువులో లభ్యమైనట్లు అధికారులు వెల్లడించారు.

హైదరాబాద్ బాచుపల్లి పీఎస్ పరిధిలో విషాదం చోటుచేసుకుంది. నిజాంపేట్​లో నిన్న రాత్రి కురిసిన వర్షానికి.. ఓ వ్యక్తి మూత్ర విసర్జనకు వెళ్లి ప్రమాదవశాత్తు నాలాలో పడి కొట్టుకుపోయాడు. గల్లంతైన రకీబుల్ షేక్(36) కోసం అధికారులు రాత్రి నుంచి గాలింపు చేపట్టారు. ఈరోజు ప్రగతినగర్​ చెరువులో ఆయన మృతదేహం లభ్యమైంది. మృతుని కుటుంబానికి ప్రభుత్వం నుంచి ఎక్స్​గ్రేషియా అందేలా చూస్తామని అధికారులు తెలిపారు.

ఇదీచూడండి:ఉరివేసుకుని వివాహిత బలవన్మరణం