గాంధీభవన్ వద్ద ఉద్రిక్తత నెలకొంది. కాంగ్రెస్ పార్టీ ఆవిర్భావ దినోత్సవాన్ని పురస్కరించుకొని 'సేవ్‌ నేషన్‌- సేవ్‌ కాన్‌స్టిట్యూషన్‌' పేరిట ర్యాలీ నిర్వహించేందుకు ప్రయత్నించారు. ఈ ర్యాలీ కోసం రెండ్రోజుల క్రితమే పోలీసుల అనుమతిని కోరినప్పటికీ వారు అనుమతించలేరు. అయినప్పటికీ కాంగ్రెస్ నేతలు ర్యాలీ తీసేందుకు ప్రయత్నించగా.... పోలీసులు వారిని బయటకు రానీయకుండా అడ్డుకుంటున్నారు.
గాంధీ భవన్ వద్ద పోలీసులు భారీ బందోబస్తు ఏర్పాటు చేశారు. ఏ ఒక్క నేతను కూడా బయటకు రానీయకుండా చర్యలు తీసుకున్నారు. గాంధీ భవన్ రెండు ప్రధాన గేట్ల వద్ద పోలీసులు భారీగా మోహరించారు. ఎవరు బయటకు వచ్చినా అరెస్ట్ చేసేందుకు పెద్ద ఎత్తున వాహనాలను సిద్ధం చేశారు.