ఏపీలో ఛలో రామతీర్థానికి బయల్దేరిన భాజపా - జనసేన శ్రేణులను పోలీసులు ఎక్కడికక్కడ అడ్డుకున్నారు. పోలీసుల తీరును ఇరు పార్టీల నేతలు తీవ్రంగా తప్పుబట్టారు. వైకాపా, తెదేపా నేతలను అనుమతించి.. తమను ఎందుకు పంపించడం లేదంటూ వాగ్వాదానికి దిగారు. ఎంతకూ పోలీసులు వారిని అనుమతించకపోవడం.. ఉద్రిక్తతకు దారి తీసింది. పోలీసులు, భాజపా నేతల మధ్య తోపులాట జరిగింది.
చలో రామతీర్థం: తోపులాటలో సొమ్మసిల్లిన వీర్రాజు, విష్ణు
ఏపీలోని విజయనగరం జిల్లా రామతీర్థానికి బయల్దేరిన భాజపా, జనసేన నేతలను... నెల్లిమర్ల వద్ద పోలీసులు అడ్డుకున్నారు. తమను ఆలయానికి అనుమతించాల్సిందే అని నేతలు డిమాండ్ చేయగా.. పోలీసులు అంగీకరించలేదు. అక్కడ తీవ్ర ఉద్రిక్త పరిస్థితులు నెలకొన్నాయి. తోపులాటలో సోము వీర్రాజు, విష్ణువర్ధన్ రెడ్డి సొమ్మసిల్లి పడిపోయారు. అనంతరం సోము వీర్రాజు, జీవీఎల్‌ను పోలీసులు అదుపులోకి తీసుకున్నారు.
నెల్లిమర్లలో ఉద్రిక్తత: వీర్రాజు, జీవీఎల్‌ అరెస్టు
భాజపా రాష్ట్ర అధ్యక్షుడు సోము వీర్రాజు, విష్ణువర్ధన్‌రెడ్డి సొమ్మసిల్లి పడిపోయారు. పరిస్థితి మరింత ఉద్రిక్తంగా మారకుండా.. రామతీర్థం పరిసరాల్లో పోలీసులు భారీగా మోహరించారు.
చలో రామతీర్థం: తోపులాటలో సొమ్మసిల్లిన వీర్రాజు, విష్ణు
ఇదీ చదవండి:హైకోర్టు సీజేగా జస్టిస్ హిమా కోహ్లి ప్రమాణస్వీకారం