high court: కుల సంఘాలకు భూకేటాయింపుపై ప్రభుత్వానికి హైకోర్టు నోటీసులు

13:56 August 18

కుల సంఘాలకు భూకేటాయింపుపై ప్రభుత్వానికి హైకోర్టు నోటీసులు

కమ్మ, వెలమ సంఘాలకు భూముల కేటాయింపుపై వివరణ ఇవ్వాలని ప్రభుత్వాన్ని హైకోర్టు ఆదేశించింది. కమ్మ, వెలమ సంఘాల భవనాల నిర్మాణం కోసం ఖానామెట్​లో ఐదు ఎకరాల చొప్పున భూమిని కేటాయిస్తూ జీవో జారీ చేయడాన్ని సవాల్ చేస్తూ కాకతీయ విశ్వవిద్యాలయం విశ్రాంత ఆచార్యుడు ఎ.వినాయక్ రెడ్డి దాఖలు చేసిన పిల్​పై హైకోర్టులో విచారణ జరిగింది. 

   అత్యంత ఖరీదైన భూమిని, కుల సంఘాల కోసం కేటాయించడం చట్టవిరుద్ధమని పిటిషనర్ తరఫు న్యాయవాది సత్యంరెడ్డి వాదించారు. ప్రభుత్వం ఆగమేఘాలపై కేవలం నాలుగు రోజుల్లో భూముల కేటాయింపు ప్రక్రియ పూర్తి చేసిందన్నారు. జీవో 47ని కొట్టివేయాలని పిటిషనర్​ కోరారు. వాదనలు విన్న ప్రధాన న్యాయమూర్తి జస్టిస్ హిమా కోహ్లీ, జస్టిస్ విజయసేన్ రెడ్డి ధర్మాసనం ప్రభుత్వానికి నోటీసులు జారీ చేస్తూ.. విచారణ ఈనెల 28కి వాయిదా వేసింది.

ఇదీచూడండి:జీవోలన్నీ 24 గంటల్లో వెబ్​సైట్​లో పెట్టాలి: హైకోర్టు